Rengé xewnén min û qirka Wesé

Rengé xewnén min û qirka Wesé

Dîsa xewnén min vegerî rengé xwe yé kevin, bordo rengî, wheh! Texté îmané disincire, ditepe, dihelke. Gava texté îmané biéşe, lévén insén jî zeîf dibin û dibin mîna yén leglegan. Nikula leglegan sor e yan lévén min? Lé nikul ji lévan hişktir e, zeximtir e, diréjtir e, serserî û kasvettir e. Texté îmané ditepe, dihelke, dixure. Hasbînalllah wen'îmel wekîl...

Axlé Wesé lé lé lé Wesîlayé way way
Axlé Wesé lé lé lé delîl daye way way

Li fabrîkan, pertalan boyax dikim. Ev ezamat e; tilîyén xwe dimijim. Li fabrîkan, pertalan boyax dikim. Ev paradoks e; esmerî, pembokî, mişmişî... Ev erd, ev dinya cihé kedxwariné (sömürü) ye. Şîrret e, gîrdab e.

Axlé Wesé lé lé lé hine daye way way
Axlé Wesé lé lé lé çû seraye way way

Dîsa xewnén min vegerî rengé xwe yé kevin, bordo rengî, wheh! Gurpe gurpa naqosan(çan) e. Azîz Petrick mîna hergeleyekî, mîna haşhaşîyekî, mîna néçirvanekî ji papazén abaza û doxînsist re qala babikén ling bizin û dilkevir dike. Eré bav bela ne lé dîsa jî péwîst in. Her tişt li ser valahîyé, nexuyatiyé(belirsizlik), ihtimalan hatiye ava kirin. Serdem, serdema fuhuşturucuyé (fuhuş+uyuşturucu) ye ahahahaahahahahahaha. Hédî hédî maskén wan dikevin. Dîrhemek namûsa wan mabû ew jî diçe. Serdem, serdema kuré tefeciyan e ahahahaahahahahahaha. Fikrén Azîz Petrick tevlîhev û giran in, divé em dev ji wî berdin. Bila texté îmané bitepe, bihelke; xewnén min vegerî rengé xwe yé kevin, bordo rengî, wheh!

W'ez radmûsim lé lé lé j'mala bav da way way
W'ez radmûsim lé lé lé j'mala wé da way way

Qirka Wesé lé lé lé mercan û morî way way
Gewriya Wesé lé lé lé mercan û morî way way