Mîrkût û betona pişta min

Mîrkût û betona pişta min

Bé kul radizé betona pişta min, û-ûrûrûrûûûûûû rojbaş! Dîka pehnîya lingé min bang dide, diéşim. Éş ketiye peytaxta çokén min. Ax bûdelalalalala! Zengilé(zil) ji stûyé xwe derxe, bi zengileka(gırtlak) xwe ve bike. Lé bené qiriké sist neke û nek-şîne. Sirreke min heye lé kirtikeké (çentik) diavéjim zendé xwe, divé nebéjim. Teq teq teq dikşoo!


Mirkût bînin vî y-alîîhîî vî y-alî
Zend û bendan vem-alîîhîîî vemalî
Doxé bigirin û rakin
Bila dangoh û binalî

Dua bikin ey insanén baş, dua bikin. Bi dengé biçûk dua bikin. Dîkek sor spartin(defin) axa reş; wîçînî ji dilé wî yé ji bronzî çû; û-ûrûrûrûûûû bangeke zirav, diréj, saf û fîtikî(zonklayan)... Lé binére stérkén birq temirîn, berbang e. Ah! öyle yalnızım ki... Hemû çûn hemû çûn, hemû çûn hemû hilweşîyan; destén narîn, tilîyén pepûk, neynûkén sedefî, diranén jarî, memikén harî... Ax betona pişta min, wax betona pişta min. Kerr û keçelî, kér û réçalî, ker û zikçalî! Yekî léxist, bi kopalé ji qamîş li dîké ji égir...

Him dano, him xwarino, him jiyano
Kesî nekin bé îmano, kesî bikin jîn û jiyano

Ez te bernadim, şer! şer! şer! Pelén li ser pélan, şer! şer! şer! Ax bûdelalalalala! Netirse! Aqora sînga te teqîyaye, toza guhé te li ser sélé diqele lé boriya guhé xwe veke borazano! Yek ji bo yeke çi dike? Ba hişk e, bahor sor... Xûşxûşa avé ye, lé ava devé kulîlkan zûha bûye, teyemmûmé dikin. Beybûn û begonya bi avé paqij nabin. Insanén baş! kefa desté xwe vekin û dua bikin ji bo kulîlkan. Hûn li ku ne insanén baş?

Hey ne li mal e ne li mal e, lawik hate ber mal e
Berbira te béhal e, ji kerba keçiké dinale
Xweda ava bike vé malé, keçiké bike li bermale

-Ax bûdelalalalala! derîyekî digerî?
-Eré
-Zengilé ji stûyé xwe derxe, bi zengileka xwe ve bike, kirtikeké biavéje zendé xwe, hemû çûn hemû çûn, hemû çûn hemû hilweşîyan, deriyekî digerî?
-Eré
-Ba hişk e bahor sor...