Sîne-goga seré keré dileqe

Sîne-goga seré keré dileqe

Ne ew rûnişt ne tu rûnişt, yek hat û yek çû. Ne ew rûnişt ne tu rûnişt, yek hat û yek çû.
"Ha Siléman, ho Silémano
Çû Siléman, lawé dayé
Şûr keşa, çû Bexdayé."

Fenomen dimire, ji nefsa xwe xelas nabe. Fenomen, hergeleyeke erekte ye. Mehîra xwe, li ber dîwaré kolanan dikelîne, béhna tirşé, tirsé difûrîne li ser bajér. Tu bi ké dikenî? Fenomen zîl e, zeleh e, wehş e û mîna celladeke nan hişk e. Heqé xwe helal bike, ev qedeha krîstalî ji bo te, Noş! Şeq şeqa kadehén dew in. Bi ziké kelemî, çermé keran diqelişîne, diguvéşîne. Çincîra(beşik) xwe bi sîne-goga seré keré ve giré dide û dileqîne. Dileqîne ha dileqîne, dileqîne ho dileqîne; ha Siléman, ho Silémano. Ha Siléman, ho Silémano...

Ciwanek mir, divé xayînek ser jé bikim. Ji bo hemû miriyan, divé kézikeke cicilî bicilî ser jé bikim; kase kase bîra, cewal cewal nîsk, bar bar xîyar, sandoq sandoq gélas û sév belav bikim. Divé zikra Beyrûdiyan di nava qoqé seré xwe de bik-şînim. Ruhsata dengé telllalan tune ku mirîyan hişyar bike. Îsrafîl razaye, bila yek zengilé li ber guhé Îsra-fîlo bixe. Xwé didim ku zikré dik-şînim. Zikré dik-şînim ji bo hemû miriyan. Desté xwe yé deqî ji gewrîya yeké sist dikim. Duayek dixwînim û rondikek diréjînim; mehdé min yé sa/seyan/segan/kûçikan ye. Rûyé xwe danim di nava şoravé de jî nerm nabe. Wehş e rûyé min, gundekî xerabe, Marsa şewutî, Jûpîtera qerisî ye. Ne ew rûdine ne tu rudinî, yek té û yek diçe. Ne ew rûdine ne tu rûdine, yek té û yek diçe.
"Ha Siléman, ho Silémano
Çû Siléman, lawé dayé
Şûr keşa, çû Bexdayé."

Bihéle devé xwe av bidim

Bihéle devé xwe av bidim

Baaa-bilîsok e. Robîn ji babilîsoka klîmayén Rubens û ji axaftinén tehlik, xemé dikeve. Dilerize ihihihihi, merasîm e, ihihihihi giyabinda.l, ihihihihi... Pirtika barané jehré dide hewayé. Boran û tofan û kaos e. Şartéra seré yazdanekî pozbilind avétîye. Qîyameteke nûjen û erotîk e. Klima can didin di nava desté avahîyan de. Can didî. Naxwazim can bidî di nava desté min de. Nede, bide, nede, bide, nede, bide-nede... Kiréç ji rûyé te diweşin, ji hinarokén te, ji te, ji xénî.

Baaa-bilîsok e. Ba hûûûû dike hûûûûû. Allahûûûû ekber! Temarén xanî diqetin. Xwîn jé diherikin xew jé diherikin. Robînsok! Temaré xwe, bi singén ji hestîyén lingan, di sînga min de neqûte. Keviré tirban ji awirén te tûjtir in. Di balafirgeha hundiré min de, ji dévla Boeingan, tîmsahén sorgevez réz bûne. Dev ji cirnîsan berde, ramûsanén min jî xweşik li gerdana te réz bûne ihihihihi. Gerdena te ye balafirgeha herî mezin, tu balafir wekî gerdena te, min nafirîne Robînsonok!

Çala çavé te kûr e, ba xwe lé nagire, baaa-bilîsok xwe lé nagire. Bes bikole çala çavé xwe, téra xwe kûr, téra xwe tije, qiréj û av e. Tîka dikim, bihéle ku kerîya xezalén xwe jî av bidim, genimén xwe jî, devé xwe jî, tilîyén xwe jî... Qehpikeke sewisî ye dilé te, divé di nava kirasén pembeyî de veşérim.

Sixpacké îpne-toze

Sixpacké îpne-toze

Li ser pişta kéré re derbas nebe baby, du reşik li te dikenin, çavén du hesp û du reşîlekan li te ne. Ey xweda! rengé çermé reşikan çi estetîk û efsûnî ne... Qey tu dibé bi herîyé hatiye suaxkirin/molekirin. Axa reş jî di tirbén tarî de béhna xwe dide. Ev hûcra miriné ye, klostrofobî ye, wekî avisan sebra min jî nayé, dikim bifetisim. Sixpacké(şeş masulén zik) min tune ku xwe zexim li darbesté bigirim. Nehatime xesandin, nehatime qûsandin. Qetran e, zîft e werîsé gewriya min, dij-dîne!


Hefté hezar ker bi hev re dizûrin. Aiaiaiaiaiai... Orkestraya manevî... Béhna izdirabé té, nelerize! aiaiaiaiaiai, birînén vekirî, béçare... Bese lo! Ayînén di seré xwe de téxe q*na xwe û bela xwe ji me veke. Derî léxist, derîyé kaosé léxist; marén reş ji kaosé hez dikin. Ji bo xwedé, te kezeba min dax kir. Hundir razaye, hundiré min razaye. Bi dûrbînan lé dinérim, razaye. Çend kîlo ye? hundiré min tune! Di tomografiyan de jî derneket. Lé ev béhna darçiné ji ku té? Îpne-toze bûme, hîpne-toze...

Ax ew laternayén kevin, heyamén kevin... Rehîma xwe dida tavé û béhna xwe dida. Rûyé wé ji tuncé, dirané wé yé krokodilan/tîmsahan, çavén wé moxilî û bejna wé xewyeşîlî û mîna bilûré bû. Nefera ezbet û sûlala xwe ya dawî bû. Belé meftûn e. Şîşeyén dev vekirî, serî jé kirî; yén rîngoyî, yén valayî... Şerab mîna bayé, di valahîyé de diherike. Helbet valahî tune... Di valahîyé de çavén wé çavén min, çavén wé çavén min, çavén wé çavén min, çavén wé çavén min, çavén wé çavén min, çavén wé çavén min. Ax! Ew çav...
Muzîk!

Birgün şu dünyadan göçüp gidersem
Boşa gider de gozyaslarin aglama

Anora Deleuze

Anora Deleuze

Divé bi ontolojîya "bengîveger" ya Nietzscheyî û bi nirxén béhempa yén Gilles Deleuze, ez şoreşgeriya xwe biafirînim. Karkerî wé bibe şoreşgerîya jiyana min. Ew "bengîveger" dé van pirsgirékan dawî bike. Bi çek û topan jî bén li ser min dîsa jî yé biguhere. Qeder e.

Ax! Min çi bi kubarî gotiye:" karkerî". Bi mehan e gavek péş de naçim û her caré xwe diavéjim serî, û cardin serî dest pé dikim. Ev veger xelas nabe. Bengîveger... İnsan di vé mijaré de pir tûnd in qeba ne. Mineta min bi tu kesî tune. Anora/xurûr min heye. Mehé sed zilaman jî bişewutînim dîsa jî vé anoré bin pé nakim. Gurura fehîşeyan jî heye, ya min jî. Ontolojîya fehîşeyîyé jî divé cardin ji serî ve were şirove kirin.

Deleuze, ev hemû karén Deleuze in. Dijberé etîk û şoreşgerîyé ye jî ji hélekî ve. Mesela etîké ne bi axaftiné, bi seksé çareser dibe. Ev dinyaya kaotîk -ku di nav de me- ew jiyana karkerî, hemû fikr û ramanén min serûbin kir. Ev éşek nû ye. Lé jiyan carna éş e jî. Deriyé kaosé, tirsé jî, éşé jî nas nake. Baské kaosé germ e, nerm û fireh e. Anxiety/endîşe/kaygı/ şayîşé ez avétim nava égir. Bi salana perén min, bi feekansa agiré éşé dişewute. Lé baskén min ji nû ve derdikeve. Ev radîkalîzm e. Divé bifirim, divé bişewutim, divé bifirim, divé bişewutim... Ax ew éş!

Guhbizina peremmmperçe

Guhbizina peremmmperçe

Béje béje! Heqaret pir li devé te té. Béje béje! Nefret pir li devé te té. Béje béje! Peyv pir li devé te té. Pir li devé te té. Li devé te té, devé min. Béje béje! Devé min pir li devé te té. Bimeşe! Biceme! Ev hemû, hemû hemû jiyanek e. Ne man û neman e ne jî bûn nebûn e. Şeré du jinikan e. Ji bîr neke! Ku du jinik şer bikin, yé ku memikén wé mezin heqlî ye eheheehe. Efsûna devbiken, rebena xwedé! jiyan lehdek e. yeeek, duuuu, séééé, çar!

Bugün benim doğum günüm
Hem sarhoşum hem yastayim
Bir bar taburesi üstünde
Babamın öldüğü yaştayim
Bugün benim doğum günüm
Kelimeler büyüyor ağzımda
Bildiğim tüm hayatlar
Peremmmperçe eee peremmmperçe

Rapsodîyén melkemot/ezraîl jî nayé kişandin. Ûr dike biteqe, rûviya zirav biqete... Akûstîka gustîlka wî/wé xweşik e lé tilîyén wî/wé faraş e. Hey melkemot! Divé tu penîré bi sov û sîrîk nexwî û divé tu zoré bidî guhbiziné. Guhé xwe veke, guhbiziné bixwe. Guhbizin dibéjim, guhbizin baş e. Hişé xwe bi çavé min mijûl neke melkemotocuxum. Tu li bendé ew li bendé, tu li bendé ew li bendé; tîktaktîktaktîktak... Bronz li bendé, zirne li bendé, bronz li bendé zirne li bendé; tîktaktîktaktîktak...

Saatim yok tam olarak bilemem
Biraz bîra biraz şarap önceydi
Nasıl oluyor vakit bir türlü geçmezken
Yıllar hayatlar geçiyor
Peremmmperçe eee peremmmperçe

Bi rûné malé laşé xwe bronzî dike. Zérén westîyayî li bendé ew bronzî, zérén westîyayî li bendé ew bronzî...  Min gotibû! Ku du jinik şer bikin yé ku devamsizlixa wé hindik be, heqlî ye?  Di nav çarşafé de du çavén birq û reşik; du memikén gir(q) û sorik û şikeftén, wan newalén tarî jî cabasi... Pirzikeke derketiye li ber qeraxa devé wé lé xûya nake; wekî stérkén sermest... Deng heye dev tune, deng heye dev tune; valahî di devé wé de heye. Divé devé wé tije bikim bi devé xwe. Divé devé wé tije bikim bi devé xwe. Oksîjené ji devé xwe kém neke. Devé min ji devé xwe kém neke. Bi oksijené jengar im; bé devé te xemxwar û xwînxwar im, tam teşekküllü hastane me, di enflasyonla topyekûn mücadelé de me. Nexemgirîne, ji-xarekî bik-şîne; hemû hemû jiyanek e...

Peremmmperçe eee peremmmperçe

Devoka te girover, zimané te diréj e

Devoka te girover, zimané te diréj e

Xwe navéje herîyé, ramûsanén dombîlîk bide. Devoka te girover, zimané te diréj e... Şeqşeqşeq bravo! Tu ji kîjan heremé yî? Teriya xwe nerecifîne û navéje li ser pişta xwe, kefa desté xwe bialése û biqîre. Bi dengé îhtîşamî; mîna tayé, mîna tâyé zirav... Kî, li ku ye? Li wir? Li ku? Ji bo çi? Bi izdirabé qirka xwe nerm bike. Û bi santûr û sîtar û setaré bistire...

Ay dil ay dil dilo lo
Te digot çi min digot wîlo lo
Wext derbas bû wekî do
Heya ez heliyam lo

Léxe û dest biavéje béhna wé. Lévén wé elastîk e, ne lastîk... Pelçim di guhén wé de dipeyîve. Hinarokén wé sor bûne, mîna naré, mîna aré. Éşén xwe li derdora xwe dihéle û diçe. Horatio(Horaşo)! bes bi guniké xwe bilîze. Heywax! Jinek ji herbé derket. Operasyona senfonîya diranan e, dijûn û girî li hev şa dibin. Bravo kefeno! şeqşeqşeq... Negirî! Negirî bajar qebrîstana saxan e. Bawer bike, neke, bike, neke, bike... Elvedadadadada!

Ay dil dilé xortan î
Gelek tiştén xweş dianî
Min digo qey tu bi zimanî
Lé Kurmancî nizanî

Horatio, her deh tilîyén xwe û zimané xwe yé kel dianî li ser herdu serpesîran, herdu peytextan. Heyhat! Dîsa bilind bû rihé wî, li ser parzemîna wî alûké sipîndar û çinar û bîyan zîl da. Ax Asûrîya beyhûde! Çi dixwazî? Li ku? Ji bo çi? Xwîn şîrgerm e, lé şer dixwazim; şer! şer! şer! Aşifte me; şer! şer! şer! Peyv, gotin û muzîk...

Ay dil ay dil dilé geş
Te dît gelek tiştén xweş
Te yek dikir sed û şeş
Xera kir kezeba reş

Memik ne gûzel ne gûzel

Memik ne gûzel ne gûzel!

Em jiyané hez nakin, divé em xwe bi tiştekî ve giré bidin. Û gewrîya min jî, bi wan keziyén xwe ve giré bide kûstah! Kûstahtahtah tahtahtahahahaha. Çiyayé şîné ye memikén te, lé dilé te bi pénc mandalan nake moruk! Qirçeqirça benîşté min e û béexlaq im hohohohoho, xem û xasvet dibéjim xem û xasvet aylako! Şeraba sévan dibéjim; bijî rojén beré!

Qelûné bînin xemé kin
Hiné bînin teşté kin
Sosé bînin meqerne kin
Jiyan ne gûzel ne gûzel!

Tenor, bi dengén xwe yén dramatîk, basso profondo, lîrîk û rezonansî mirovan aşiqé xwe dikin. Pişta wan diéşin, olsin. Bi ricifa diyapozonan, zengelok û gewrîya wan nerm dibin. Gava dil ne tije eşq be, dahola guhé te biteqe çi feyde! Ji kerema xwe akîdeşekerîyeke bidim te, destén xwe yén sar li ser desté min rake haydûté. Û dizanim q*na te tatlîş e lé tilîyén te ne yén xéré ne. Bo bo bo bo bo borî, bo bo bo bo bo bo biborî, konsera kosîyén bikeder heye îşev, ji niha ve demo distînin. Divé biçim xiyarén ji wan re amade bikim, kartolan biqelînim. Deng, awaz, melodî, aheng... Roj diçin, nota diherikin, bé nefes dibezim keviya lévén te yén şeytanî, bé nefes... Vertîgo!

Kalvînîsteke çavkesk û çermreş(reş reş heta tu béje reş), di hişé xwe de, eşyayén kasvetî bar dike. Eşyayén kontrast, yaldizî, hûnerî... Şîzoîdîya min pere nake, jixwe tené, di tiştén olî de pere heye. Wext diçe, qadeha xwe rake û béje noş! Kixkixkixkixkixkix. Dîsa Budayé zik mezin derbasî transé bû. Dirané xwe dizîqîne(gıcırdatmak), qoqé seré xwe dişîne li welaté mirîyan. Hey kalvanîsto! Ka per û baskén te? Peyvén şérîn û gunehkar di pesîra wé de man. Hey Buda! Porén te weşiyane, çavén te şaşî bûne, ka pehîna ku te li hewayé dixist? Peyvén şérîn û gunehkar di pesîra wé de man.

Min ne ji bo xerabîyé kir, tené min xwest jé hez bikim. Rihé min é di Çola Taklamakané de digere şahid e. London, Bexda, Parîs, Mexico City û Hawana şahid e. Peyvén şérîn û gunehkar di pesîra wé de man. Pişta tenoran diéşin, olsin. Dibezim lévan, olsin. Şîzoîdîya min pere nake, olsin. Dahola guh diteqe, olsin. Gewriya min bi keziyé xwe ve giré dide, olsin.

Qelûné bînin xemé kin
Hiné bînin teşté kin
Sosé bînin meqerne kin
Memik ne gûzel ne gûzel!